மாயா-81
வெள்ளைநிறப்பூக்கள் குலுங்கும் தாயின்அணைப்புகளாய் பச்சையிலைகளின் நிழல்கள்  நிற்கும்
அம்மரத்தின் கீழ் நின்றிருந்தேன்

அவ்வழியாக சென்ற
பேருந்திலிருந்து ஜன்னல் மேல்
உன்
நெருடலற்ற பார்வையின்
ஸ்பரிசம் என்னை திகைக்கச்செய்த்து

எனக்கான வெளிச்சப் பாதையைக்கண்டேன்
எனக்கான ஆதரவு நீட்டும்
கருவிழி கைகளைக் கண்டேன்
எனக்கான மௌன நீர்க்கண்டேன்
எனக்கான பசி தீர்க்கும் அமுதம் கண்டேன்
எனக்கான கருமேகம் கண்டேன்
எனக்கான ஆடை தரும்
எனக்கான ஆடைநெய்யும் தறியை கண்டேன்
எனக்கான  பெருகும் சுனையை கண்டேன்
எனக்கான வாழ்வியல் தேசம் கண்டேன்
எனக்கான போர் மூளும் இரு வாள் கண்டேன்
மீண்டும் வரும்
இச்சாலையில்
நானொரு மரமாய் நிற்ப்பேன்
உனக்கான நிழல் விரித்து
மாயா