பூனை

என் வீட்டின் இரண்டாவது அறையில் வாசித்துக்கொண்டியிருக்கிறேன்
ஓநாய் குலச்சின்னம்

வயதிறைந்த
கண்ணுக்குள் ஒளியேந்திய வெள்ளைநிற பூனையொன்று என் பின் அறையின் கதவின் வழியாக உள்நுழைந்து சமையலறையில் துழாவி
ஒன்றுமில்லாத அடுத்த அறையில் ஏமாந்து வரவேற்பறையில் வெளியேறும் பொழுதில் கவனித்தேன்

திறந்தே கிடக்கின்றன
பின் வாசல்கதவுகள்

அதை
இரண்டொரு முறை
பார்த்திருக்கிறேன்
கதவுகளை
இறுக்கமாகப் பூட்டு்க்கின்ற நிமிடத்தில்

கற்றோடு கொசுவும்
உள்ளே வரமால் இருப்பதற்குச் சாத்தப்பட்ட
ஜன்னல்களைக்கவனிக்கிறேன்

என்
வீட்டில் பூனையென்பது
அதிசயமாகப் பார்க்கிறேன்
பதட்டமில்லாமல்
தாய்மை அடைந்த ஒரு புலியென
நடந்த லாவகத்தில்
மெய் சிலிர்த்தே  போனேன்

அதன் கண்களில்
கருணை வழிந்த படி
மியாவ் மியாவ் என்ற
அதன் குரலில்
என்
அம்மாவைக்கண்டேன்
இணைந்து சிரிக்கிறார்
என்அப்பா

தாய்மையடைந்திருக்கும்
அப்பூனையின் வருகைக்காக திறந்துகிடக்கின்றன
ஜன்னல்கள்
இப்போது
தட்டில் நிறைத்த பாலுடன்.